小國民尼謨
8.5
我都buy佢,不過結尾失望.....
簡直係花技招展到好似萬花筒咁,導演野心好大,故事唔算好原創,但係將好多其他電影既元素拼貼得唔錯,令人睇得興奮. (我自己睇到既有:導演自己既'小英雄杜杜','第八日', 無痛失戀, 極地戀人, 蝴蝶效應, Sliding Doors, 千年女優, 甚至奇斯洛夫斯基, 仲有唔少)
視覺上真係目不暇給. 內容上d hypertext亦真係多到近年少見.
可惜好似個洋蔥咁,即係一層一層剥開好似好複雜咁,但到最係剥晒原來係冇野....呢樣比較令人失望. 因為開頭玩到咁大, 真係一路睇, 一路心諗: 睇下你點樣收料, 點樣整個超高章既結局俾我地睇.... 點知.....
不過都非常唔錯咯!!
夏蟲結冰 Huacho 7.8
都ok既, 平平實實敘述一家人各成員既片段, 母親同阿仔兩段比較入肉, 阿婆同阿爺較為普通.
90後'乜乜'少女(都唔知邊個至係正名) Fish Tank 8.4
都幾好睇喎, 女主角做得唔錯, 部戲亦拍得寫實, 好立體咁展現出英國屋村女既困窘....果種原來全部都係假希望, 但又唔係絶望既意識唔錯......比導演上一套Red Eye進步好多.
No comments:
Post a Comment